تاني يوم بقلم الشاعر حربي علي

أغنية
(تاني يوم)

تاني يوم وبرضه تغيب؟
قلبك آسي. يا أغلى حبيب
زودت جروحي جرح ف روحي
بعد ماصدقت الجرح يطيب
تاني يوم وبرضه تغيب؟

لليوم التاني على التوالي
تتعب عيني وأشك فى حالي
ياما سهرت معاها ليالي
وعيونك كانت ليا نصيب
تاني يوم وبرضه تغيب؟

فينك فينك يامغير لونك
عيونك فين إبعتلي عيونك
إزاي بس القلب يخونك
وشايفة عيونك كل العيب
تاني يوم وبرضه تغيب؟

تاني تعالى أرجوك إرجعلي
الشوق ناره عماله بتغلي
قلبك سامعه وبيندهلي
صدق قلبك جرحي يطيب
تانى يوم وبرضه تغيب؟

شارى رجوعك مقدرش أبيعك
شوف بعيونك أضم ضلوعك
دا إنت غريب ولافيش من نوعك
والغربة فى حبك أمر عجيب
تاني يوم وبرضه تغيب؟
قلبك آسي يا أغلى حبيب

(تاني يوم)
كلمات
حربي علي
شاعرالسويس