بعد التحية والسلام بقلم الشاعر احمد عبد الحق

بعد التحيه والسلام
والله ياامي
مش لاقي كلام
الحروف رافضه تكتبك
والله لو كل الحروف
حاولت في يوم تكتبك
والله ياامي
مهتعرف تعوضني وحشتك
حنيتك
والله ياامي
كل مااغلط
والله بتوحشيني
وانت غايبه لسه بتعلميني
وتفهميني
مش لاقي كلام
يعني ايه حرفين وبس
يبقوا ام
ويعني ايه البعد عنك
شيله تقيله
غربه وهم
توهه وغم
والله يامه
بعدك حياتي ماليها طعم
فاكره يامه
لما كنت اشكي
كنت تبكي
ولما كنت اتعب
كنت تجري
ولما كان الصبح يجي
كنت نور الصبح يامه
وفي صلاتي كنت فجري
والله يامه مش لاقي ليك
مينفعش اكتبك
في اي حاجه والسلام
اصلك يامه موتي مره
وانا كل يوم بموت
كل مااحس غربه
ابكيك جوايا سكوت
وكل مااشتاق لحضنك
اتمني اني دلوقتي اموت
وكل ماتنزل دموعي
وكل مايشتد ليك جوعي
تنزل مني الف دمعه
واصبر نفسي
يمكن دموعي تعوضك
ترجعك تاني الوجود
والله يامه وحشتيني
و لو تمني عشان اشوفك
اني دلوقتي اموت
احمد عبدالحق