الضحكه ده بقلم الشاعر احمد اسماعيل

الضحكه ده
الضحكه دى / بتشعل نارها جوايا
وشعرك ده / بيتمايل على هوايا
جبينك ده /ينور صبحى ومسايا
وانا العاشق واناالولهان/انا الواقف على بابك
انا الصابر بدمع العين / انا المشغوف على عذابك
وليه دايما بتبعدنى /قوليلى بس اسبابك
بنظره عين بتحيينى / ساعات فى النار بترمينى
وبُعدك ده على عينى / بضحكه رقيقه داوينى
خصامك نار بتكوينى / وحبك تاج على جبينى
رقيقه انتى لكن قاسيه / ياخوفى لا تكونى ناسيه
وروحى فى محيط حبك /على شطك تكون راسيه
باحبك حب مالو حدود / وفى غيابك تكون موجود
لاتمنعنى جبال وسدود / ياريتك بالكرم بتجود
فهل ذنبى ان انا عاشقك / وروحى تمالى بترافقك
ياست الحسن الرحمه / غرورك فى الهوى سارقك
انا زاهد فى محرابك / ماليش غيرك حبيب تانى
وقفت سنين على بابك / ياخوفى ف لحظه تنسانى
انا المجنون باهدابك / انا التائه فى عنوانى
شعر أحمد اسماعيل/ شاعر العرب