زي الثواني تمر الساعات...بقلم الشاعره الراقية حنان شوقى اللواء

زي الثواني تمر الساعات...
وزي الساعات تمر السنين..
والدنيا واخدانا وبقينا.....
بالوقت مش حاسين......
تجري وسبقانا والوقت..
يعدي بسرعه ............
وبرده مش لاحقين....
يا عمري استني شويه...
ليه تجري ولا حاسس بيا...
انا لسه امبارح كنت شابه...
ويادوب غمضت عنيا.......
فتحت لاقيت العمر عدا..
وجري من ايدي زي الميه..
يا سنين عمري لسه بدري..
استني شويه علي فجري..
قولي لبكره خليك بعيد....
ملحقتش اتهني بعمري...
احلامي بتضيع ادامي...
والعمر عدا في ثواني...
محققتش فيه حاجه...
غير حلم عشته في اوهامي.
ولما جه يتحقق خلص العمر..
وضااااع الوقت يا زمااااني...
حنان شوقى اللواء
رسم الصوره لا بنتي كوثر محمد